Nova Acrópole é unha organización internacional de carácter filosófico, cultural e social. Foi fundada en 1957 en Bos Aires (Arxentina) polo profesor Jorge Ángel Livraga Rizzi (1930-1991), historiador e filósofo.
Atópase implantada en máis de 50 países nos cinco continentes.
O simbolismo dun nome
Na antiga Grecia, a Acrópole designaba a parte máis elevada da cidade. Alí establecíase o contacto entre o visible e o invisible.
Trátase dun lugar simbólico para a nosa imaxinación, que suxire ascender cara ao máis elevado dun mesmo.
Consideramos que o mundo actual necesita novas acrópoles, non feitas de pedra senón de seres humanos, levantadas no corazón das nosas cidades, para crecer interiormente e recuperar os lazos profundos que nos unan cos demais e coa natureza.
Hoxe, a Asociación Cultural Nova Acrópole está presente en máis de cincuenta países e xunta máis de 15.000 voluntarios e centos de miles de simpatizantes, que se expresan en máis de quince idiomas e representan unha ampla gama de confesións e orixes.